قازاقستان رەسپۋبليكاسى قارجى مينيسترلىگىنىڭ بۇيرىعى  №599 

2015 جىلعى 30 قاراشا, استانا قالاسى ىشكى اۋديت قىزمەتتەرى تۋرالى ۇلگىلىك ەرەجەنى بەكىتۋ تۋرالى «مەملەكەتتىك اۋديت جانە قارجىلىق باقىلاۋ تۋرالى» 2015 جىلعى 12 قاراشاداعى قازاقستان رەسپۋبليكاسىنىڭ زاڭىنىڭ 14-بابى 4) تارماقشاسىنا سايكەس بۇيىرامىن: 1. قوسا بەرىلىپ وتىرعان ىشكى اۋديت قىزمەتتەرى تۋرالى ۇلگىلىك ەرەجە بەكىتىلسىن. 2. قازاقستان رەسپۋبليكاسى قارجى مينيسترلىگىنىڭ بۋحگالتەرلىك ەسەپ پەن اۋديت ءادىسناماسى دەپارتامەنتى (ا.ت. بەكتۇروۆا) زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادiلەت مينيسترلiگiندە مەملەكەتتiك تىركەۋدى; 2) وسى بۇيرىق قازاقستان رەسپۋبليكاسى ادiلەت مينيسترلiگiندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىق ونىڭ مەملەكەتتىك تىركەلگەن كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ قارجى ءمينيسترى ب.سۇلتانوۆ قازاقستان رەسپۋبليكاسى قارجى ءمينيسترىنىڭ 2015 جىلعى 30 قاراشاداعى №599 بۇيرىعىمەن بەكىتىلگەن ىشكى اۋديت قىزمەتتەرى تۋرالى ۇلگىلىك ەرەجە وسى ەرەجە قازاقستان رەسپۋبليكاسىنىڭ زاڭنامالىق اكتىلەرىنە سايكەس قازاقستان رەسپۋبليكاسىنىڭ ۇلتتىق بانكىنىڭ, قازاقستان رەسپۋبليكاسىنىڭ ارنايى مەملەكەتتىك ورگانداردىڭ ىشكى اۋديت قىزمەتتەرىن قوسپاعاندا, ورتالىق مەملەكەتتىك ورگانداردىڭ, ورتالىق مەملەكەتتىك ورگاندارى ۆەدومستۆولارىنىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارى ىشكى اۋديت قىزمەتتەرىنىڭ مارتەبەسىن, وكىلەتتىكتەرىن جانە جۇمىسىن ۇيىمداستىرۋدى ايقىندايدى. 1. جالپى ەرەجەلەر 1. ىشكى اۋديت قىزمەتتەرى (بۇدان ءارى – ىاق) ءبىرىنشى باسشىنىڭ, وبلىس, رەسپۋبليكالىق ماڭىزى بار قالا, استانا اكىمىنىڭ قالاۋى بويىنشا ورتالىق مەملەكەتتىك ورگاننىڭ, ورتالىق مەملەكەتتىك ورگانى ۆەدومستۆولارىنىڭ ءبىرىنشى باسشىسىنىڭ, شەشىمىمەن (بۇيرىق, وكىم) قۇرىلادى. 2. قازاقستان رەسپۋبليكاسىنىڭ ۇلتتىق بانكىنىڭ ىاق قوسپاعاندا, ورتالىق مەملەكەتتىك ورگانداردىڭ, ورتالىق مەملەكەتتىك ورگاندارى ۆەدومستۆولارىنىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارىنىڭ ىاق ءوزىنىڭ قىزمەتىن قازاقستان رەسپۋبليكاسىنىڭ كونستيتۋتسياسىنا, «مەملەكەتتىك اۋديت جانە قارجىلىق باقىلاۋ تۋرالى» (بۇدان ءارى - زاڭ) 2015 جىلعى 12 قاراشاداعى قازاقستان رەسپۋبليكاسىنىڭ زاڭىنا, قولدانىستاعى زاڭناما تالاپتارىنا جانە مەملەكەتتىك ورگاننىڭ ىشكى قۇجاتتارىنا سايكەس جۇزەگە اسىرادى. 3. ىاق قۇرىلىمىن جانە شتاتتىق سانىن (ساندىق قۇرامى) ورتالىق اتقارۋشى ورگاننىڭ جاۋاپتى حاتشىلارى (بەلگىلەنگەن تارتىپپەن ورتالىق اتقارۋشى ورگانى جاۋاپتى حاتشىسىنىڭ وكىلەتتىكتەرى جۇكتەلگەن لاۋازىمدىق تۇلعالار), ال ولار بولماعان جاعدايدا – وسى مەملەكەتتىك ورگانداردىڭ باسشىلارى, وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمى بۇيرىعىنىڭ (وكىمنىڭ) نەگىزىندە بەكىتەدى. جوعارى سوتتىڭ جانە قازاقستان رەسپۋبليكاسى پرەزيدەنتىنىڭ ءىس باسقارماسىنىڭ ىاق قىزمەتىن ۇيىمداستىرۋشىلىق جانە ماتەريالدىق –تەحنيكالىق قامتاماسىز ەتۋى قولدانىستاعى زاڭناما تالاپتارىنا سايكەس جۇزەگە اسىرىلادى. 4. ىاق قىزمەتكەرلەرىنىڭ فۋنكتسيونالدىق مىندەتتەرى, قۇقىقتارى جانە جاۋاپكەرشىلىگى ىشكى اۋديت قىزمەتى تۋرالى ەرەجەنىڭ نەگىزىندە ازىرلەنەتىن ءتيىستى لاۋازىمدىق نۇسقاۋلىقتارمەن بەلگىلەنەدى, جانە ولاردى ورتالىق اتقارۋشى ورگان جاۋاپتى حاتشىسى (بەلگىلى تارتىپپەن ورتالىق اتقارۋشى ورگان جاۋاپتى حاتشىسىنىڭ وكىلەتتىكتەرى جۇكتەلگەن لاۋازىمدىق تۇلعا), ال ولار بولماعان جاعدايدا وسى مەملەكەتتىك ورگاننىڭ ءبىرىنشى باسشىنىڭ كەلىسىمى بويىنشا, وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمى بۇيرىعىنىڭ (وكىمنىڭ) نەگىزىندە بەكىتەدى. 2. ىاق مارتەبەسى 5. ىاق مەملەكەتتىك ورگاننىڭ بولىمشەسى بولىپ تابىلادى, باسقا قۇرىلىمدىق بولىمشەلەردەن تاۋەلسىز, ورتالىق مەملەكەتتىك ورگاننىڭ, ورتالىق مەملەكەتتىك ورگانى ۆەدومستۆوسىنىڭ ءبىرىنشى باسشىسىنا, وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمىنە ەسەپ بەرەدى جانە باعىنادى, مەملەكەتتىك ورگاننىڭ ىشكى باقىلاۋ جۇيەسىنىڭ تۇراقتى مونيتورينگىنىڭ بولىگى رەتىندە بولادى. 6. ىاق ىشكى مەملەكەتتىك ءاۋديتتى جۇگىزۋدە جانە ىشكى اۋديت ناتيجەلەرى تۋرالى ەسەپتەر دايىنداۋدا تاۋەلسىز. 7. ىاق ورتالىق مەملەكەتتىك ورگاننىڭ باسقا قۇرىلىمدىق بولىمشەلەرىنىڭ, ورتالىق مەملەكەتتىك ورگاندارى ۆەدومستۆولارىنىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارىنىڭ قۇزىرەتىنە جاتاتىن جۇمىستارعا, سونداي-اق ونىڭ وكىلەتتىكتەرىنە جاتپايتىن باعدارلامالار مەن جوبالاردى دايىنداۋ نەمەسە ورىنداۋعا تارتىلا المايدى. 8. ىاق قىزمەتكەرلەرىنە ىاق مارتەبەسىنە, مەملەكەتتىك ورگاننىڭ ەرەجەسىنە جانە ىشكى مەملەكەتتىك اۋديت تۋرالى ەرەجەگە سايكەس قولدانىلۋى مۇمكىن ەمەس قۇجاتتاردى قوسپاعاندا مەملەكەتتىك ورگاننىڭ ىشكى قۇجاتتارىنىڭ ەرەجەلەرى تاراتىلادى. 9. ىاق قىزمەتىن باعالاۋدى ىشكى مەملەكەتتىك اۋديت جونىندەگى ۋاكىلەتتى ورگان جۇرگىزەدى. 3. ىاق نەگىزگى مىندەتتەرى, فۋنكتسيالارى, قۇقىقتارى مەن مىندەتتەمەلەرى 10. ىاق نەگىزگى ماقساتى مەملەكەتتىك ورگاننىڭ باسشىسىنا مەملەكەتتىك ورگاننىڭ, اۋماقتاردى دامىتۋ باعدارلامالارىنىڭ ستارتەگيالىق ماقساتتارى مەن مىندەتتەرىنە قول جەتكىزۋ ءۇشىن قاجەتتى جاردەمدەسۋ, مەملەكەتتىك ورگاننىڭ باسشىسىنا مەملەكەتتىك ورگاندى ءتيىمدى باسقارۋدى جانە بيۋدجەت قاراجاتىن, مەملەكەتتىڭ اكتيۆتەرىن جانە تاۋەكەلدەردى باسقارۋ جۇيەسىنە نەگىزدەلگەن كۆازيمەملەكەتتىك سەكتوردىڭ سۋبەكتىلەرىن باسقارۋ جانە پايدالانۋ تيىمدىلىگىن ارتتىرۋدى قامتاماسىز ەتۋگە ارنالعان تاۋەلسىز جانە وبەكتيۆتى اقپاراتتى ۇسىنۋ بولىپ تابىلادى. ىاق مىندەتتەرى: 1) مەملەكەتتىك ورگاننىڭ ستراتەگيالىق قۇجاتتارىنىڭ, اۋماقتاردى دامىتۋ باعدارلامالارىنىڭ ماقساتتارى مەن مىندەتتەرىنە قول جەتكىزىلۋىن تالداۋ; 2) قارجىلىق جانە باسقارۋشىلىق اقپاراتتىڭ سەنىمدىلىگى مەن دۇرىستىعىن, مەملەكەتتىك ورگاننىڭ قىزمەتىن ىشكى ۇيىمداستىرۋ پروتسەستەرىنىڭ تيىمدىلىگىن, كورسەتىلەتىن مەملەكەتتىك قىزمەتتەردىڭ ساپاسىن, مەملەكەت اكتيۆتەرىنىڭ ساقتالۋىن تالداۋ, باعالاۋ جانە تەكسەرۋ. 12. ىاق فۋنكتسيالارى: 1) قارجىلىق ەسەپتىلىكتىڭ ءاۋديتىن جۇرگىزۋگە قاتىسادى; 2) مەملەكەتتىك ورگاندا, ونىڭ اۋماقتىق بولىمشەلەرىندە, ۆەدومستۆولىق باعىنىستى ۇيىمدارىندا ولاردىڭ قىزمەتىنىڭ بارلىق باعىتتارى, سونىڭ ىشىندە كورسەتىلەتىن قىزمەتتەر ساپاسى بويىنشا تيىمدىلىك ءاۋديتىن جۇرگىزەدى; 3) مەملەكەتتىك ورگاندا, ونىڭ اۋماقتىق بولىمشەلەرىندە, ۆەدومستۆولىق باعىنىستى ۇيىمدارىندا سايكەستىك ءاۋديتىن جۇرگىزەدى; 4) مەملەكەتتىك ساتىپ الۋدى جۇرگىزۋ راسىمدەرىنىڭ جانە شارت تالاپتارىن ورىنداۋدىڭ سايكەستىك ءاۋديتىن جۇرگىزەدى, سونىڭ ىشىندە ساتىپ الىناتىن تاۋارلار, جۇمىستار, قىزمەتتەردىڭ مەرزىمدەرى, كولەمى, باعاسى, سانى مەن ساپاسى بويىنشا; 5) مەملەكەتتىك ورگاننىڭ ىشكى پروتسەستەرىنىڭ (بيزنەس پروتسەستەرىنىڭ) تاۋەكەلدەردى باسقارۋ جۇيەسىنىڭ نەگىزىندە مەملەكەتتىك ورگاندا, ونىڭ اۋماقتىق بولىمشەلەرىندە جانە ۆەدومستولىق باعىنىستى ۇيىمدارىندا ىشكى باقىلاۋ جانە باسقارۋ جۇيەسىنىڭ جۇمىس ىستەۋىن باعالاۋدى جۇزەگە اسىرادى; 6) مەملەكەتتىك ورگاننىڭ ستراتەگيالىق جوسپارىنىڭ جانە بيۋدجەتتىك شىعىستارمەن ءوزارا بايلانىستاعى اۋماقتاردى دامىتۋ باعدارلامالاردىڭ ماقساتتتارى مەن مىندەتتەرىنە قول جەتكىزۋىن, ونىڭ ىشىندە دامۋعا ارنالعان نىسانالى ترانسفەرتتەردى ىسكە اسىرۋدى قوسا بيۋدجەتتىك ينۆەستيتسيالار شەڭبەرىندە تالدايدى; 7) تيىستى مەملەكەتتىك ورگاندا تاۋارلىق-ماتەريالدىق قورلاردىڭ جانە وزگە اكتيۆتەردىڭ ساقتالۋىنا تەكسەرۋدى جۇزەگە اسىرادى; 8) مەملەكەتتىك اۋديت وبەكتىلەرىنىڭ لاۋازىمدى تۇلعالارىنىڭ ىشكى مەملەكەتتىك اۋديت جۇرگىزۋ ماسەلەلەرى بويىنشا ءتيىستى اقپاراتىن تىڭدايدى; 9) مەملەكەتتىك ورگاننىڭ باسشىسىنا قازاقستان رەسپۋبليكاسىنىڭ زاڭناماسىنا سايكەس رەسپۋبليكالىق جانە (نەمەسە) جەرگىلىكتى بيۋدجەتتەردى پايدالانۋ كەزىندە بۇزۋشىلىقتاردىڭ جولىن كەسۋ, ولاردى بولدىرماۋ بويىنشا, انىقتالعان كەمشىلىكتەردى جويۋ, مەملەكەتتىك ورگان قىزمەتىن ۇيىمداستىرۋدىڭ ىشكى پروتسەستەرىنىڭ تيىمدىلىگىن ارتتىرۋ بويىنشا ۇسىنىستارمەن ىشكى مەملەكەتتىك اۋديت ناتيجەلەرى تۋرالى ەسەپ بەرەدى; 10) ورتالىق مەملەكەتتىك ورگاننىڭ باسشىسىنا نەمەسە وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمىنە جىلدىق جۇمىس جوسپارلارىن ورىنداۋ مونيتورينگىن جۇزەگە اسىرادى; 13. ىاق قۇقىقتارى: 1) قۇپيالىق, قىزمەتتىك, كوممەرتسيالىق رەجيمىن نەمەسە زاڭمەن ساقتالاتىن وزگە قۇپيانىڭ ساقتالۋىن ەسكەرە وتىرىپ, ءتيىستى جىلعا مەملەكەتتىك اۋديت وبەكتىلەرىنىڭ تىزبەسىن قالىپتاستىرۋعا بايلانىستى ماسەلەلەر بويىنشا ۆەدومستۆولىق اقپاراتتار جۇيەلەرى دەرەكتەرىنىڭ قۇرامى مەن نىساندارى تۋرالى مالەمەتتەردى, قۇجاتتامانى, اقپاراتتى, ماتەريالداردى (دالەلدەمەلەردى), انىقتامالاردى, اۋىزشا جانە جازباشا تۇسىنىكتەمەلەردى سۇراتۋ; 2) قازاقستان رەسپۋبليكاسىنىڭ بيۋدجەتىك زاڭناماسىن جەتىلدىرۋ جانە قازاقستان رەسپۋبليكاسىنىڭ قارجىلىق جۇيەسىن دامىتۋ بويىنشا ۇسىنىستار ازىرلەۋ جانە ولاردى ءتيىستى ۋاكىلەتتى ورگانعا قاراۋ ءۇشىن ۇسىنۋ; 3) مەملەكەتتىك ءاۋديتتى جۇرگىزۋ شەڭبەرىندە قۇپيالىق, قىزمەتتىك, كوممەرتسيالىق رەجيمىن نەمەسە زاڭمەن ساقتالاتىن وزگە قۇپيانىڭ ساقتالۋىن ەسكەرە وتىرىپ, مەملەكەتتىك اۋديت وبەكتىلەرىنىڭ اۋماعىنا جانە ءۇي-جايلارىنا كەدەرگىسىز رۇقسات الۋ; 4) مەملەكەتتىك اۋديت مىندەتتەرى مەن ماندەرىنە سايكەس ىشكى اۋديت ناتيجيلەرى تۋرالى ەسەپتى دايىنداۋ ءۇشىن بەلگىلەنگەن مەرزىمدەردە قۇزىرەتىنە كىرەتىن ماسەلەلەر بويىنشا قاجەتتى قۇجاتتامانى, سونىڭ ىشىندە ەلەكتروندى تاسىعىشتاردا اقپارات الۋعا, سونداي-اق اقپاراتتى جۇيەلەرگە قولجەتىمدىلىكتى, سونىڭ ىشىندە قۇپيالىق, قىزمەتتىك, كوممەرتسيالىق رەجيمىن نەمەسە زاڭمەن ساقتالاتىن وزگە قۇپيانىڭ ساقتالۋىن ەسكەرە وتىرىپ, مەملەكەتتىك قۇپيالاردى جانە زاڭمەن قورعالاتىن وزگە قۇپيانى قامتيتىن جازباشا جانە اۋىزشا تۇسىنىكتەمەلەردى جانە وزگە دە اقپاراتتى الۋ; 5) مەملەكەتتىك باقىلاۋ جانە قاداعالاۋ ورگاندارىمەن جۇرگىزىلگەن مەملەكەتتىك باقىلاۋ جانە قاداعالاۋ ناتيجەلەرى بويىنشا قابىلدانعان اكتىلەردى جانە قۇجاتتاردى سۇراتۋ; 6) ءوز قۇزىرەتى شەگىندە مەملەكەتتىك اۋديت وبەكتىلەرىنىڭ باسشىلارىنان جانە باسقا دا لاۋازىمدىق تۇلعالارىنان ءتيىستى جىلعا مەملەكەتتىك اۋديت وبەكتىلەرىنىڭ تىزبەسىن قالىپتاستىرۋ جانە مەملەكەتتىك ءاۋديتتى جۇرگىزگەن كەزدە انىقتالعان بۇزۋشىلىقتار فاكتىلەرى بويىنشا جازباشا تۇسىنىكتەمەلەردى, سونداي-اق بەلگىلەنگەن تارتىپپەن كۋالاندىرىلعان قۇجاتتار كوشىرمەلەرىن ۇسىنۋدى تالاپ ەتۋ; 7) ءتيىستى مەملەكەتتىك ورگاننىڭ ۆەدومستۆولىق باعىنىستى ۇيىمدارىندا ىشكى باقىلاۋ جۇيەسىن ۇيىمداستىرۋ بويىنشا جۇمىستاعى كونسۋلتاتسيالىق قىزمەتتەر كورسەتۋ; 8) قازاقستان رەسپۋبليكاسىنىڭ زاڭنامالىق اكتىلەرىندە كوزدەلگەن وزگە قۇقىقتارعا يە. 14. ىاق مىندەتتەرى: 1) مەملەكەتتىك اۋديت جانە قارجىلىق باقىلاۋ ستاندارتتارىنا قاتاڭ سايكەستىكتە مەملەكەتتىك ءاۋديتتى جانە قارجىلىق باقىلاۋدى جۇرگىزەدى; 2) ىاق-تىڭ جىلدىق جانە توقساندىق جۇمىس جوسپارلارىن, ىاق وقىتۋ بويىنشا جوسپارلارىن ازىرلەيدى, ولاردى ءبىرىنشى باسشىعا (وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمىنە) بەكىتۋگە ۇسىنادى جانە ورىندالۋىن قامتاماسىز ەتەدى; 3) تاۋەكەلدەردى باسقارۋ جۇيەسى نەگىزىندە ءبىرىنشى باسشىسىمەن (وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمىمەن) بەكىتىلەتىن ءتيىستى جىلعا مەملەكەتتىك اۋديت وبەكتىلەرىنىڭ تىزبەسىن قالىپتاستىرادى; 4) قازاقستان رەسپۋبليكاسىنىڭ زاڭناماسىنا سايكەس مەملەكەتتىك قۇپيالاردى قامتيتىن مالىمەتتەردى جانە (نەمەسە) قازاقستان رەسپۋبليكاسىنىڭ ۇكىمەتى بەلگىلەگەن شەكتەۋلى تاراتىلاتىن قىزمەتتى اقپاراتتى قامتيتىن مالىمەتتەردى قوسپاعاندا, مەملەكەتتىك ورگاننىڭ ينتەرنەت-رەسۋرسىندا ولاردى بەكىتكەن كۇننەن باستاپ بەس كۇنتىزبەلىك كۇن ىشىندە ءتيىستى جىلعا بەكىتىلگەن مەملەكەتتىك اۋديت تىزبەسىن جانە ولارعا ەنگىزىلگەن وزگەرىستەردى ورنالاستىرادى; 5) تەكسەرۋلەردىڭ قايتالانۋىن بولدىرماۋ ماقساتىندا مەملەكەتتىك اۋديت جانە قارجىلىق باقىلاۋ ورگاندارىمەن ءتيىستى جىلعا مەملەكەتتىك اۋديت وبەكتىلەرىنىڭ تىزبەسىن جانە وعان وزگەرىستەردى كەلىسەدى; 6) جۇيەلىك نەگىزدە مەملەكەتتىك اۋديت جانە قارجىلىق باقىلاۋ ورگاندارىنىڭ, سونىڭ ىشىندە ىاق-تىڭ دەرەكتەرىن, مىندەتتى ورىندالۋى ءۇشىن جىبەرىلگەن ۇيعارىمدارى مەن ۇسىنىمدارىنىڭ ورىندالۋىنىڭ مونيتورينگىن جۇزەگە اسىرادى; 7) مەملەكەتتىك اۋديت وبەكتىلەرى لاۋازىمدىق تۇلعالارىنىڭ مەملەكەتتىك ءاۋديتتى جۇرگىزۋ كەزىندە سۇراتىلعان قۇجاتتار مەن ماتەريالداردى ۇسىنباۋ نەمەسە ۋاقىتىلى ۇسىنباۋ فاكتىلەرى بويىنشا اكتىلەر جاسايدى; 8) قازاقستان رەسپۋبليكاسىنىڭ زاڭناماسىن, مەملەكەتتىك اۋديت وبەكتىلەرىنىڭ قۇقىقتارىن جانە زاڭدى مۇددەلەرىن ساقتايدى; 9) قازاقستان رەسپۋبليكاسىنىڭ زاڭناماسىندا بەلگىلەنگەن مەرزىمدەردە مەملەكەتتىك اۋديت جانە قارجىلىق باقىلاۋ ماتەريالدارىن بىرىڭعاي دەرەكتەر قورىنا ورنالاستىرادى; 10) مەملەكەتتىك اۋديت وبەكتىلەرى لاۋازىمدىق تۇلعالارىنىڭ ءىس-ارەكەتتەرىن­دە قىلمىس­تىق نەمەسە اكىمشىلىك قۇقىق بۇزۋشىلىقتار بەلگىلەرىن انىقتاعان جاعدايدا قۇقىق قورعاۋ ورگاندارىنا نەمەسە اكىمشىلىك قۇقىق بۇزۋشىلىقتار تۋرالى ىستەردى قوزعاۋعا جانە (نەمەسە) قاراۋعا ۋاكىلەتتى ورگاندارعا ءتيىستى اۋديتورلىق دالەلدەرمەن قوسا ماتەريالدار بەرەدى; 11) مەملەكەتتىك اۋديت وبەكتىسىنىڭ بەلگىلەنگەن رەجيمىنە كەدەرگى جاسامايدى; 12) قازاقستان رەسپۋبليكاسىنىڭ زاڭناماسىنا سايكەس بۇزۋشىلىقتاردىڭ الدىن الۋ, ولاردى انىقتاۋ جانە ولاردىڭ جولىن كەسۋ بويىنشا بەرىلگەن وكىلەتتىكتەردى ۋاقتىلى جانە تولىق كولەمدە ورىندايدى; 13) قىزمەتتىك جانە كاسىبى ەتيكا تالاپتارىن ساقتايدى; 14) مەملەكەتتىك اۋديت وبەكتىسىنىڭ باسشىسىنا (لاۋازىمدىق تۇلعالارىنا) مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندە قاتىسۋعا كەدەرگى جاسامايدى, مەملەكەتتىك اۋديت جانە قارجىلىق باقىلاۋ مانىنە قاتىستى ماسەلەلەر بويىنشا تۇسىنىكتەمەلەر بەرەدى; 15) مەملەكەتتىك اۋديت جانە قارجىلىق باقىلاۋ ناتيجەسىندە الىنعان قۇجاتتار مەن مالىمەتتەردىڭ ساقتالۋىن قامتاماسىز ەتەدى, سونىڭ ىشىندە مەملەكەتتىك قۇپيالارعا, قىزمەت­تىك, كوممەرتسيالىق جانە زاڭمەن قورعالاتىن وزگە قۇپياعا جاتاتىن مالىمەتتەردى جاريالامايدى; 16) ورتالىق مەملەكەتتىك ورگاننىڭ, ورتالىق مەملەكەتتىك ورگاندارى ۆەدومستۆولارىنىڭ ءبىرىنشى باسشىسىنا, وبلىس, رەسپۋبليكالىق ماڭىزى بار قالا, استانا اكىمىنە مۇددەلەر قاقتىعىسىنا ىقپال ەتەتىن جاعدايلار تۋرالى حابارلايدى; 17) مەملەكەتتىك اۋديت بارىسىندا الىنعان جانە جينالعان اقپاراتتىڭ جانە ءىس جۇزىندەگى فاكتىلەردىڭ نەگىزىندە عانا مەملەكەتتىك اۋديت ناتيجەلەرىن نەگىزدەيدى; 18) مەملەكەتتىك ورگاننىڭ باسشىسى باسشىلىق ەتەتىن مەملەكەتتىك اۋديت جانە تاۋەكەلدەر جونىندەگى كەڭەسپەن ءوزارا ءىس-قيمىل جاسايدى, ونىڭ ۇسىنىستارىنىڭ ىسكە اسىرىلۋىن قامتاماسىز ەتەدى; 19) قازاقستان رەسپۋبليكاسىنىڭ زاڭنامالىق اكتىلەرىندە كوزدەلگەن وزگە دە مىندەتتەر. 15. ىاق وعان جۇكتەلگەن فۋنكتسيالار مەن مىندەتتەردىڭ ۋاقتىلى جانە ساپالى ورىندالۋىن قامتاماسىز ەتەدى. 16. ىاق قىزمەتكەرلەرى مەملەكەتتىك ءاۋديتتى جۇرگىزۋ كەزىندە مەملەكەتتىك اۋديت جانە قارجىلىق باقىلاۋدىڭ نەگىزگى قاعيداتتارىن جانە ستاندارتتارىن بۇزعانى ءۇشىن قازاقستان رەسپۋبليكاسىنىڭ زاڭدارىنا سايكەس دەربەس تارتىپتىك, اكىمشىلىك جانە قىلمىستىق جاۋاپكەرشىلىكتە بولادى. 4. ىاق قىزمەتىن ۇيىمداستىرۋ 17. ىاق–عا باسشىلىقتى ورتالىق مەملەكەتتىك ورگاننىڭ جاۋاپتى حاتشىسى (بەلگىلەنگەن تارتىپپەن ورتالىق مەملەكەتتىك ورگاننىڭ جاۋاپتى حاتشىسىنىڭ وكىلەتتىكتەرى جۇكتەلگەن تۇلعا), ال ولار بولماعان جاعدايدا-بۇيرىقتىڭ (وكىمنىڭ) نەگىزىندە مەملەكەتتىك ورگاننىڭ ءبىرىنشى باسشىسىمەن, وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمىمەن كەلىسىم بويىنشا مەملەكەتتىك مەكەمەنىڭ باسشىسى لاۋازىمعا تاعايىندايتىن جانە لاۋازىمنان بوساتاتىن ىاق باسشىسى جۇزەگە اسىرادى; 18. ىاق باسشىسى ىاق-عا جۇكتەلگەن مىندەتتەردىڭ ورىندالۋىن جانە فۋنكتسيالارىنىڭ جۇزەگە اسىرىلاۋىن قامتاماسىز ەتەدى, سونىڭ ىشىندە سىبايلاس جەمقورلىققا قارسى ءىس-قيمىل, ىاق قىزمەتكەرلەرىنىڭ قۇقىقتارىن, مىندەتتەرىن جانە جاۋاپكەرشىلىگىن بەلگىلەيدى, مەملەكەتتىك اۋديت جانە تاۋەكەلدەر جونىندەگى كەڭەس قۇرامىنا قاتىسادى. 19. ىاق باسشىسى مەملەكەتتىك ورگاننىڭ, ورتالىق مەملەكەتتىك ورگاندارى ۆەدومستۆولارىنىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارىنىڭ, ءبىرىنشى باسشىسىنا, وبلىس, رەسپۋبليكالىق ماڭىزى بار قالانىڭ, استانانىڭ اكىمىنە ورتالىق مەملەكەتتىك ورگاننىڭ جاۋاپتى حاتشىسىمەن (بەلگىلەنگەن تارتىپپەن ورتالىق مەملەكەتتىك ورگاننىڭ جاۋاپتى حاتشىسىنىڭ وكىلەتتىكتەرى جۇكتەلگەن تۇلعالارمەن), ال ولار بولماعان جاعدايدا-مەملەكەتتىك مەكەمەنىڭ باسشىسىنىڭ كەلىسىمى بويىنشا ىاق قۇرىلىمى جانە شتاتتىق كەستەسى جونىندە ۇسىنىستار بەرەدى. 20. ىاق قۇزىرەتىنە كىرەتىن ماسەلەلەر بويىنشا ىاق اتىنان باسقا قۇرىلىمدىق بولىمشەلەرگە, ۆەدومستۆولارعا, اۋماقتىق ورگاندار ممەن ۆەدومستۆولىق باعىنىستى ۇيىمدارعا جىبەرىلەتىن قۇجاتتار مەن ساۋالدارعا ىاق باسشىسى, ال ول بولماعان جاعدايدا – ونى اۋىستىراتىن تۇلعا قول قويادى. 21. ىاق قىزمەتكەرلەرىنىڭ مەملەكەتتىك قىزمەتتى وتكەرۋ جاعدايلارى قازاقستان رەسپۋبليكاسىنىڭ مەملەكەتتىك قىزمەت تۋرالى زاڭناماسىمەن, قازاقستان رەسپۋبليكاسىنىڭ ەڭبەك زاڭناماسىمەن, قازاقستان رەسپۋبليكاسىنىڭ مەملەكەتتىك اۋديت جانە قارجىلىق باقىلاۋ تۋرالى زاڭناماسىمەن, ىشكى اۋديت قىزمەتى تۋرالى ەرەجەمەن جانە قازاقستان رەسپۋبليكاسىنىڭ وزگە دە نورماتيۆتىك قۇقىقتقى اكتىلەرمەن بەلگىلەنەدى. 22. ىاق قىزمەتى ولارعا جۇكتەلگەن مىندەتتەر مەن وكىلەتتىكتەردى ىسكە اسىرۋدى قامتاماسىز ەتۋ ماقساتىندا ولاردىڭ ءبىرىنشى باسشىلارى بەكىتەتىن ىاق-نىڭ پەرسپەكتيۆتىك, جىلدىق, توقساندىق جۇمىس جوسپارىنا جانە مەملەكەتتىك اۋديت وبەكتىلەرىنىڭ تىزبەسىنە سايكەس جۇزەگە اسىرىلادى. 5. ىاق ەسەپتىلىگى 23. ىاق جۇرگىزىلگەن مەملەكەتتىك اۋديت جانە قابىلدانعان شارالار تۋرالى ەسەپتەر مەن اقپاراتتى ىشكى مەملەكەتتىك اۋديت جونىندەگى ۋاكىلەتتى ورگانعا جىبەرەدى. 24. ىاق جىل سايىن ورتالىق مەملەكەتتىك ورگاننىڭ, ورتالىق مەملەككەتتىك ورگانى ۆەدومستولارىنىڭ باسشىسىنا, وبلىستىڭ, رەسپۋبليكالىق ماڭىزى بار قالانىڭ, استانا اكىمىنە, سونداي-اق ىشكى مەملەكەتتىك اۋديت جونىندەگى ۋاكىلەتتى ورگانعا ىشكى مەملەكەتتىك اۋديت قورىتىندىلارى بويىنشا جىلدىق ەسەپتەر بەرەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12544 بولىپ ەنگىزىلدى.